بسم الله الرحمن الرحيم

سلام عليكم يا شباببالنسبة لبنك اسكندرية البنك الغامض اللى محدش عارف عنه حاجه وناس كتير بتسال عليه انا هقولكو على كل اللى اعرفه عن البنك ده
اولا  :.البنك ده الوحيد اللى مش ليه اى امتحانات يعنى هو ليه 3 انترفيو بس وبعد كده كشف طبى وامضاء العقد واستلام العمل ان شاء الله
ثانيا :.بالنسبة للتقديم ممكن تقدم يدوى فى المركز الرئيسى للبنك فى 49ش قصر النيل او تبعت على ميلات دىHR@alexbank.comاوAsmaa.rashad@alexbank.comأنا بعت على الاتنين دول وبعتولى بعدها بشهر وفى ناس بتقول ميل استاذ اشرف حامد برده اللى هو دهashraf_hameed@hotmail.com
أو ممكن تبعت بريد لو انت وجه قبلى تبعت على بنك اسكندرية  فرع اسيوط منطقة البنوك ادارة الموارد الشرية الاستاذ ياسر السباعى او ممكن تودى السى فى بنفسك
بعد كده بيتصل بيك البنك وبيقولك على فرست انترفيو بيبقى مع استاذ ياسر السباعى او استاذ اشرف حامد انا عملت مع استاذ ياسر السباعى وكان بسيط جدا كلمنى عن نفسك وبعدين تعرف ايه عن البنك والفرق بين المخصص والاحتياطى واهم عنصرين فى ميزانية البنك والقروض بالنسبة للبنك التزام ولا اصل طبعا كله عربى ما عدا كلمنى عن نفسك ؟ وبيقولك عايز تشتغل فى قسم ايه واقسام البنك ايه ؟ بعد كده بيقولك طيب اتفضل وهنتصل بيك امتى بقا الله اعلم هو قالى على حسب احتياج الفروع القريبة منك انا اتصلو بيا بعد 5شهور لسكند انترفيو وده بيبقى فى القاهرة فى الادارة المركزية فى الدور التالت مع استاذة سالى محسن ودى لذيذة خالص هى كمانهى سالتنى عرف نفسك ؟ وتعرف ايه عن البنك ؟ ده انجلش وبعد كده قالتى اقسام البنك ايه ؟ وعايز تشتغل فى قسم ايه ؟ وليه ؟ بعد كده قالتلى انزل تحت فى الدور التانى للاستاذ تامر عبد الحميد وخليه يحدد لك انترفيو تيكنيكال ؟نزلت لمستر تامر اديته السى فى وقولتله قالى ماشى استنى عندك النهارده الساعه 5خرجت انتظرت وبعد كده واحد جه نادى عليا ودخلت بس مع واحد اسمه طارق غير تامر مش فاكر طارق ايه ؟
 بس كان احسن منهم كلهم كان لذيذ لذيذ يعنىالمهم سألنى تعرف ايه عن البنك ؟ اقسام البنك ؟ عملت ايه من وقت ما تخرجت ؟ اشتغلت فين ؟ شغال فين دلوقتى ؟ طبيعة شغلك ايه بالظبط ؟ وعايز تشتغل قسم ايه ؟ الاعتماد المستندى ؟ خطاب الضمان ؟ انواع الشيكات ؟وبعد ين سالنى على بياناتى وكتبها على السى فى وقالى هنبقى نتصل بيك ؟ده كل اللى حصل معايا من اول انترفيو يوم 29/2/2016 فى بنى سويف لغاية اخر انترفيو 19/7/2016 فى القاهرة
واللى اعرفه انهم بيبعتو دلوقتى لوجه قبلى يعنى بعتو للفيوم وبنى سويف والمنيا وناس اتصلت قالولهم اسيوط على اخر شهر 7
بالتوفيق يارب للجميع

الفايل ده بقي فيه كل اللي هتحتاج  تذاكر منه لبنك اسكندريه ملحوظه الفايل ملائم للباقه حمل من 

#أسألكم_الدعاء