نترك لكم منشورات بعض من خاضو التجربه  نتمني منكم الدعوات لهم بالتوفيق والسداد
1_________

"البرشامة الكاملة" للقبول في البنك الاهلي من خلال تجربتي الشخصية  ..هلخصها يمكن حد يستفاد منها..-اولاً التقديم والمذاكرة :قدمت عادي علي السايت زي اي حد ،بعدها بي ٣ ايام بعتولي مسدج للامتحان في التجمع "مجمع البنوك"ومن خلال الجروب عرفت ان الامتحان عبارة عن iQ وانجليش..ذاكرت ال iQ من الpdf اللي كانت موجودة علي الجروب هنا ،وبالنسبة للانجليش فتحت ال pdf بتاعت حروف الجر لقيتهم كتير ،روحت قافلها :D

-ثانياً طريقة الامتحان  : بتمتحن الانجليش الاول وهو عبارة عن ٤٢ جملة اختار في ٤٥ دقيقة ،ولازم تخلص ال٤٢ جملة كلهم قبل الوقت عشان لو مخلصتهمش الامتحان مبيتصححش عشان هو اونلاين تيستال٤٥ سؤال ،شغل ثانوية عامة ،مش سهل اه بس قشطة يتحل علي الذاكرة ..كنا حوالي ١٧ واحد تقريبا بيمتحنوا ،نجح مننا ٧ بالظبط ،واللي منجحوش بينادوا اساميهم وبيخرجوهم ..نخش بقي علي امتحان ال iQ وهو عبارة عن ١٥ سؤال في ربع ساعةهو عبارة عن ٤ اشكال متسلسلة وانت بتختار الشكل ال٥ اللي هيكمل التسلسل ده ،خد وقتك وفكر فيه كويس ،انا حليت ٧ وال ٨ معرفتهاش روحت حالل اي حاجة فالامتحان وقف ومكملتش ،وكان لسه فاضل وقت كتير ،فمتستعجلش ..نجح من ال ٧ اتنين بس ،انا وواحد كمانالللي حله ٣ مبينجحوش ،تقديري الشخصي لازم تحل اكتر من ٥ عشان تعدي ال iQ ..بس بعد كده الشخص القائم علي الامتحان ادانا ميعاد للانترفيو البيرسونال في الفرع الرئيسي في كورنيش النيل ..سألته ويارتني ما سألته ، شكل الانترفيو هيبقي ايه قالي بالظبط كده بسيط اوي هو عرف نفسك بالانجليش ،وهيكمل معاك بالعربي ،قولتلو تمام جميل اوي وعملت حسابي علي كده ..

ثالثاً الفرست الانترفيو : قبل ما تروح تكون متاكد من ان شعرك محلوق متسرح ،عشان علق علي شعري عشان طويل ،والدقن برده تكون محلوقة ،بدلتك تكون مظبوطة وكده عشان المظهر مطلوب اكيد .. بالنسبه للبنات فهما مابيتوصوش يعني :Dميعادي كان الساعة ١٠ ،يفضل انك تروح قبلها بي ربع ساعة ،عشان تملي الابليكشن وتهدي كده وتصفي زهنك ..دخلت الانترفيو ،وواثق من نفسي ومطن جداً ومش قلقان ،قالي اتفضل ومد ايده وسلم عليا ..قالي introduce ur self ،روحت معرف نفسي عادي جداً ،خلصت ورحت ساكت والابتسامة علي وجهي بقي ومستني يسألني بالعربي ،لقيت بيقولي why should i hire u ?!قولتلوا in english or in arbaic قالي انجليش ،روحت ساكت كده وقعدت ارزع اي حاجة تيجي في بالي ،سأل السؤال التالت برده بالانجليش ،لغاية ما حسيت اني مش عارف اعبر روحت متكلم عربي ومن غير ما اديلوا فرصة انه يقولي بالانجلش ،لاني بالشكل ده مكنتش هطلع اللي عندي ،وخليتوا يمكل معايا الانترفيو عربي ،سألني عن رأي في الاقتصاد ،وطرق اصلاحه ،مع ان ده انترفيو بيرسونال مش تكنيكال بس هو عايز يشوف البني ادم اللي قدامه فاهم ولا لا ،شاف ان عندي نقطة ضعف في الانجليش ،فعايز يشوف في حاجة تشفعلي ولا لا ،بس وقالي هنبعتلك من شهر لي ٣ لو اكسبتد ،ولو اترجكت مش هنبعتلك خالص ،ابتسمتله وقولتلوا شكراً اتشرفت بي معرفتك ومشيت ...
بعدها بي اسبوع اتبعتلي تكنيكال الحمد لله علي غير المتوقع 😄

اولاً: هيتبعتلك تكنيكال قبلها بي يوم ،اكنهم بيقولولك مفاجأة ،فياريت تبقي محضر بدلتك عشان متسوحش.

ثانياً: هتذاكر ازاي ؟المسدج اتبعتتلي الساعة ٥ المغرب ،والانترفيو الساعة ١٠ الصبح ،ففتحت الجروب هنا ،ولقيت اسئلة عامة قريتها كويس بفهم وتوكلت علي الله

ثالثاً : الانترفيو (التكنيكال )بيبقي في البنك الاهلي اللي علي كورنيش النيل ،البرج الجنوبي الدور ال٣٠كنا بالظبط ٢٦ واحد في الكشف ،كله بيمضي وبيستني دوره ،وانا من حظي اني كنت اخر واحد في الكشف ،فكنت اخر واحد يدخلبيبقي فيه ٣ اشخاص بيعملوا الانترفيو ،اتنين منهم مديرين قطاع ،ومكتب تالت بس مش مكتوب عليه المسمي الوظيفيال ٢٦ واحد بيتقسموا عليهم ،مش عارف بي عشوائية ولا علي حسب القطاع اللي انت ساكن فيهطبعا انا اخر واحد دخل ،فعدي عليا ال٢٥ واحد اللي دخلوا قبلي،وكله كان خارج مبسوط وبيقول انه مجرد دردشة بسيطة

رابعاً: "شكل الانترفيو"حظي جيه لي مدير قطاع ،مخفتش الصراحة ودخلت ،اول ما دخلت بصلي وقالي ايه ده انت من الالتراس ولا ايهعشان شعري كان طويل ،وضحكنا يعني..كلمني علي جامعتي وعميد كليتنا والدكاتره وساكن فين ووالدي وولدتيبس وقالي قولي انت قاري ايه بقي ،قولتلوا والله قاري كتير ،قالي زي ايه كده ،قولتلوا زي خطابات الضمان والاعتمادات المستندية انواع الشيكات،قالي ايوة قولي انواع الشيكات"سؤال استدراجي"،قولتلوا انواع الشيكات ال ٥فقالي طيب الشيك المسطر قولي بقي "سؤال الحقيقي" لو دخل عليك عميل ومعاه شيك مسطر تاريخ استحقاقه في نفس اليوم اللي جالك فيه ،والشيك قيمته ١٠ الاف وحسابه هو الشخصي فيه الف جنية ،وقالك عايز اصرف الشيك عشان مراتي بتعمل عملية ومحتاج ٩ الاف ،السؤال بقي هتعمل معاه ايه؟قبل ما اقولكو قولتلوا ايه لازم تعرف ايه الشيك المسطر،لو انا كاتب شيك لي شخص بي تاريخ ٢٠٥٠ مثلا وراح للبنك يصرفه ،هيتصرف حالاً ،لكن لو عملت خطين علي الشيك كده تحت بعض ،الشيك مينفعش يتصرف غير في ٢٠٥٠ والشيك ياخد رفض ،ولما يجي تاريخ الاستحقاق مينفعش تصرف الفلوس كاش لازم تتحول علي حسابك الشخصي.تمام كده ؟اجابتي بقي كانت عليه بان الشيك مسطر والنهارده تاريخ الاستحقاق ،وهو عايز يصرف الفلوس دلوقتي عشان عملية مراته،تمام اناهاخد منه الشيك واحطله الفلوس في حسابه زي ما الشيك المسطر بيقرض ،بعد كده العميل يطلب سحب رصيد من حسابه ،وبكده يبقي اتبعت التعليمات ورضيت العميل ،قالي كويس اوي انت شغلت دماغك حلو ،بس الشيك المسطر في تاريخ الاستحقاق بيتعامل معامله الشيك العادي ،فانت هتصرفلوا الفلوس فوراً والاجراءات الباقية انت هتبقي تعملها داخلياً بقي ،وقعد يكلمني ليه الحكومة عملت الشيك المسطر ،وبعد كده انتهي الانترفيو ،وقالي اهلا بيك في البنك الاهلي واستني يبعتلولك  للميديكال ،بالتوفيق ،وطلبت اعرف اسمه ،واداني البسنس كارد بتاعه ومشيت ..الاسئلة اللي اسألت للناس اللي قبلي كانت :-خطابات الضمان والاعتمادات المستندية-انواع الشيكات-عمله الصين وروسيا ،فاقرا العملات-الفرق بين الكمبيالة والسند الاذني والشيك(الاطراف يعني)بس دول اللي متذكرهم ..

بعدها بي اسبوع بالظبط اتبعتلي الmedical ,بتروح تستلم ال medical letter وبتروح تعمل التحليل المطلوبة في عيادة تابعه للبنك الاهلي ،كشف مخدرات وكده ،بعدها بيبعتولك هيطلبوا منك شوية ورق زي التأمينات وشهادة التخرج ،بتجهز الورق وبتروح تسلموا ،وبكده يبقي مبروك عليك التعييين 😂😂 ده لو بقي فيك حيل تشتغل بقي 😅
*الموضوع بسيط والله ولا اعجازي  ولا وسطه ولا حاجة ،كل ما في الامر انه محتاج وقت وصبر وشوية مجهود ..ربنا ييسر للجميع ❤️A❤️❤️❤️❤️❤️❤️❤️❤️❤️❤️❤️❤️

❤️__________________
2
 وكتب الاستاذ محمد السيد ضيا عن تجربته واليكم التجربه  

البنـــــــــــك الاهلـــــــــــــــــــــــــــــــــــي

اولا كده اول ما بتروح البنك بتشوف اسمك بره عند بتاع الامنبعد كده بتدخل البنك جوه اول ما بتدخل بتسلم البطاقه بتاعتك الاصليهبعد كده بتطلع الدور التاني اول ما بتطلع بيبقاا فيه واحد موجود بالكشف وتمضي جنب اسمكبعد كده بتدخل تقعد في قاعه الانتظار لحد ما يجي ميعاادك وبتدخل الامتحان

الامتحــــــــــــــــــــــــــان الاول اول ما بتدخل الامتحان بتطلع البطاقه بتاعتك اللي حضرتك بتبقا مصوارها بعد كده بكتب رقمك القومي في المربع اللي هيبقا موجود قدامك بعد كده بيظهر اسمك بعد كده بدوس علي لينك ده اللي بيبقا موجود فيه الامتحان عباره عن 42 جمله اختياري في 45 دقيقه انا بنصح الناس انها متستعجلش في الامتحان وخد وقتك خالص ومتفضلش تبص جنبك علي طول خليك في حالك وركز كويس في الاسئله اهم الاسئله

1- زمن المستقبل البسيط والتام

2-الفرق بين 

most of- almost of3-الفرق بين

 while-when4-قاعده if  والاخص القاعده التالته5- الفرق بين a-an6- السؤال المزيل والمبني للمجهول7- الفرق بين they-their8- حروف الجرهو بيفكرك قبل ما يخلص الوقت بربع ساعه وبعدين قبل ما يخلص الوقت بخمس دقايق بيقولك اختار عشوائي ياا ريت الناس تاخد وقته الموضوع سهل والامتحان برضو سهل ويلاش توتر وان شاء كل اللي انت بتذاكره هيجي منه والنتيجه بتطلع بعدهاا ب 5 دقايق

الامتحــــــــــــــــان التانـــــــــــــــــــــيالــــــــــــــــــــــ iqاغلب الناش بتخاف من الامتحان ده مع انه اسهل حاجه واسهل من اللي علي الجروب بمراحل بتدخل الامتحان والامتحان ده عايز واحد مركز جداا الامتحان مدته 15 دقايق اهم حاجه اول 2 في ال iq ده بترتب عليه كل حاجه لان دول اللي بيحددوا الاسئله الجايه فياريت الناس تركز عليهم جداا والاسئله بتتراوح بين(5-14) سؤال وركز جداا في عدد الاضلاع بالنسبه للحاجه اللي بتبقا متظلله فيه فايلات علي الجروب كويسه الناس تبدأ تذاكر منها

الانترفيــــــــــــــــــــــــــــــــــــــوممكن تدخل الانترفيو في نفس اليوم وممكن تدخل تاني يوم علي حسب العدد في اليوم اللي انت رايح فيه الانترفيو اهم حاجه الثقه بالنفس وبلاش توتر الناس اللي قدامك نااس زيك بالظبط لازم تكون مرتاح ولازم نتبع التالي

1- اول ما تدخل لازم تسلم وتبدأ بالترحيب مع ابتسامه حلوه كده

2- اكيد وانتي داخل بتيقاا قافل جاكيت البدله اللي انت لبسه اكيد اما بتقعد علي الكرسي بتبدأ تفتح الجاكيت

3- البنات وحياه ابوكي بلاش الغرور وتحطي رجل علي رجل علشان ده غلط ياابنت الناس التواضع اهم حاجه

4- حضرتك بتقعد في اخر الكرسي مش تقعد علي طرف الكرسي

5-علشان خاطري بلاش الحركات اللي احنا بنشوفها دايماا دي اللي انت بتقعد تهز رجلك او تاكل في ايدك او تمسك شفايفك بلاش والنبي

6 - لازم تعرف انك رايح تمتحن في بنك مش في شركه الغزل والنسيج اللي عندكم في البلاد مظهرك يكون حلو وتبقا منظم في لبسك

7- لازم وانت بتتسال تكون وشك للي بيسأل ميكونش وشك في الارض ولازم تقول كلام ورا بعض مش تقول كلمه وتفكر في اللي بعدها خد وقتك خالص

8- والنبي بلاش تحكي قصه حياتك جوه وبلاش الكلام الكتير علشان الناس اللي جواه مش بتحب كده

9- اول مابتخلص بتسلم وتقول انا سعيد بالمقابله وتضحك كده اهم حاجه الابتسامه

اسئـــــــــــــــــــــله الانترفيـــــــــــــــــــــو

اهم سؤال قدم نفسك بالانجليزيبلاش بقاا عك كتير ابدا اتكلم عن نفسك بطريقه منظمه وواضحه وبلاش غموض في الكلاماابدا باسمك وسنك وانت متحرج منين وابدا اتكلم عن شغلك القديم وان الشغل ده اعطاك خبره كبيره اللي من خلاله انت مرشح للوظيفهاتكلم عن الكورسات اللي انت اخدها في حياتك اهم حاجه بلاش عك والكلام يكون واضح
2- ليه عايز تشتغل في البنك الاهلي والبنك هيقدملك ايه وانت هتقدم للبنك ايه ؟

3- شايف نفسك فين بعد 5 سنين ؟

4- موقف صعب وانت اتغلبت عليه ؟

5-نقاط القوه والضعف ؟

6- تعرف ايه عن التيلر؟

اللي عايز اي حاجه يكلمني انا تحت امر اي حد وااللي عايز حاجه يذاكر منها عندي فايلات كويسه واالي عايز اسئله الانترفيو وحلهاا يكلمنيالناس تركز وياريت الناس تفهم ان كل حاجه مكتوبه وكل واحد بياخد نصيبهوهي فرصه لاي حد بس مش اخر فرصه روح اتعرف علي النظام وشكل الامتحاناتاتمني لكل الناس التوفيقاسف علي الاطاله#بنساعد #بعض
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️____________________

 وراي اخر

#نصيحة 

انا قولت اكتب لكم بوست  نصيحة للشباب اللى هتروح تمتحن فى البنك الايام اللى جايةعلشان للامانة  انا روحت امتحنت وعرفت حاجات كتيرة ولازم اساعد الناس اللى رايجة
المكان اللى هيبقى فية التيست التجمع الخامس شارع التسعين فرع السبعين  وموصلاتة من المنيب المترو او الدائرى موقف العاشر او الحى السابع مدينة نصر

1_ مدة الامتحان  قصيرة  42 سؤال يتحلوا فى 45 دقيقة بس يعنى كل سؤال بمعدل دقيقة وعشر ثوانى وكمان فى قطع لازم تقروها علشان فى اسئلة على القطع دية بتبقى اقل قطعة 4 سطور وكمان تيست IQ  15 سؤال يتحلوا فى ربع ساعة قليل جدا  اشكال هندسية محتاجة فكر

3-ركزوا على الجرامر قاعدة  IF   والمبنى للمجهول والمعلوم والاستفهام المنفى والمثبت   وحروف  a , an

4_  الامتحان محتاج تركيز بتاع اميديست كان اسهل والله من الامتحان النظام الجديد برغم ان النظام القديم فية ليسننج  وقطع تكلمها بس كان سهل

5_ الانترفيو بتاع الاتش ار مفيش اسهل منة  هيسالوكم انجلش الاول علشان يعرف النطق الحروف ومستوكم  مثلا عرف نفسك ولية عاوز تشتغل فى البنك واسوء موقف واحسن موقف ولية انا هختار فى المكان دة وتعرف اية عن البنك الاهلى
بالتوفيق يا شباب
_____________________

3وهذا شرح مفصل اكثر 

الناس اللي هتمتحن ف البنك الاهلي قريب تصحصح معاياانا امتحنت الفرست 22-12-2016،هنبدا بالانجلش 42سؤال ف45دقيقه '''كله اختياري ومفيش ليسننج.،هنركز ع الازمنه ،  استخدامات when , while , after before ايه اللي بيجي قبلهم وبعدهم،هنركز علي قاعده IF,السؤاااااااااااااااااااااااااااااال المزيل جه عليه تقريبا ربع الامتحان  وهنزلكم صورتين ف الكومنتات لشرح السؤال ده،جه حوالي5قطع  كومبليت بتكتب فيهم من تلت لاربع كلماتجه سؤال  اللي فاكره انه كان بيقول المطعم .......نوعين من انواع الدفع.........العملات الاجنبيه ........ان الجرسون هيطلب منك تيبس فلازم يبقي معاك كاشالاجابه.accept , except ,expect.expect , accept , except،وهكذا accept= يقبل ،،،expect=يتوقع،،، except=ماعدا،احفظوهم علشان ماتتلخبطوش ومتاخدش منكم وقت ف الحلوبرضه جه مثال مش متذكره بس بيقول مثلا ان الطلاب........علي الكراسي  و .........ساعاتهمSitting, setting,,Sitting=الجلوس،،،،Setting =الضبط،هيجيلك برضه محادثه ع سبيل المثال1الحمد لله2وعليكم السلام3ازيك4السلام عليكم  والاجابه،2,1,4,3 ,3,1,4,2،هيجيلك برضه مثلا يقولك كل ما الشركه بتعين موظفين جدد عدد الاي دي بيزيد،وهيديلك اجابات زي،ال اي دي بيزيد  كل ما يتعين موظفين جدد،الموظفين بيزيدو كل اما ال اي دي يتعينوويقولك اي اجابه تحمل نفس المعني؟،وشغل الكرمب ده😂😂 جه منه بتاع 3 اسئله  ،وجه مثال  بيتستخدم فيه almost=تقريبا ،،،،most=معظم،في سؤالين فكرني بيهم زميل هنا برضه،اني هيجيلك محادثه بين اتنين  ع سبيل الحجات اللي فاكرها تقريبا كانت بتقولتوم: تحب تاكل فين؟،جون: سمعت اني ف مطعم بيتزا جديد فتح ف المدينه.،توم : فكره عظيمه،جون : تحب تاكل هنا ولا تيك اوي،،توم: لا تيك اوي ده اللي فاكره من المحادثه السوال هيجيلك بطريقه  مثلا
مين اللي سمع عن المطعم؟،مين اللي عايز ياكل تيك اوي؟،وسؤال تاني مش فاكره لاني مش متذكر المحادثه بالكامل و الاختيارات هتكون بشكل،جون، توم ، توم،توم  ، جون ، توم،وهكذا هتقرا المحادثه سهله جدا بس عايزه شويه سرعه وتركيز،وجه موقف اني سكرتيره كانت عايزه تطبع ورق وتبعته للمدير وملقتش ورق تقريبا فبعتت ايميل للمدير تبلغه بالمشكله الاختيارات بتقولكهي واجهت مشكله وقامت بخطوه علشان تحلها،ولا كان عندها مشكله ف ارسال الايميل ،الفكره كانت بدور عن كده يعني وتختارو الانسب،برضه افتكرت سؤال كان بيقول ....انتو مش هتقدرو تبعتو ايميلات انهارده علشان   مفيش شبكه نت،يقصد بمفيش شبكه نت ان؟Decline,Down,Decreaseواختيار رابع مش فاكره وهتختارو الانسب من وجه نظركم لاني مش فاكر حلي ومش متاكد كنت وانا بحل النوع ده من الاسئله،نصيحه متسبوش كل ده وتهرو ف حروف الجر وتحفظو جه بالكتير مثالين وممكن تحلهم بانك تليق الجمله علي بعضها ..،،،،،،ده اللي فاكره ف الانجلش
     

 ،،،،،ال ((((((اي كيو))))))،،،،،،

15دقيقه هيجيلك اقل حاجه 3اسئله او اكتر حاجه15سؤاليعني ممكن وانت بتحل الامتحان يخلص بعد 5اسئله ،10انت وحظك  دي ارزاق ومقسمها الخلاق😊😊،هيقولك في اول مسالتين دول زي تمرين مش بيضافو ع السكور بس بيتحسبو من وقت التيست ، هتحله السؤال منهم طلع صح هيدخل ع التاني طلع غلط هتختار اجابه تانيه لحد مايقول اجابه صحيحه وتدخل ع السؤال التاني،،،، ف ناس كانت بتقول  انهم بيقولو كده علشان الناس تستسهل وبكده يسقطو ،، انا حليتهم صح من اول مره ونجحت وناس معايا حلوهم اكتر من مره ونجحو وناس حلوهم صح من اول مره وسقطو النجاح بيعتمد علي ايه معرفش اذا كان بطئ او سرعه الحل بتاثر ع السكور او لا!!!المهم،،،،،الاسئله اتفه من عك الفايلات بس عايزه تركيز جامد
،   

  (((((انترفيو البرسيونال))))

امتحنا الخميس حددولنا بيرسونال انهارده الاحد  ف الفرع الرئيسي و ف ناس بتمتحن ف نفس اليوم بس تقريبا دول اللي الفرست بتاعهم بيكون بدري ف اول او نص اليومعملت معانا الانترفيو مسز: نشوي ،  شخصيه زي العسل هتحس انك قاعد مع اختك😍  مش مع حد بيمتحنك  وكان اسهل انترفيو ف الدنيا هتقولك قدم نفسك وكورساتك وخبراتك هتوصل عند خبرات الشغل ،،،،،تقولك احكيلي عن موقف صعب حصل معاك ف الشغل وحليته ازي وهنا وف اللحظه دي خلص الانترفيو😂😂 لا سحر ولا شعوذه😂😂وقالت الرد هيكون من اسبوعين لشهر ومده اقل من شهر لخريجي2012،،اتمني من ربنا اني اكون قدرت اوصلكم معلومه مفيده
،ولاتنسونا من خالص الدعاء 😍......#امتحان_البنك_الاهلي_22_12_2016#KEEP_U_SMILE😊
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
انتهي دعواتكـــــــــــــــــم