البنك طالب عدد كبير جداً من الوظائف بنك الاسكندريه

واليكم كامل التفاصيل
بسم الله الرحمن الرحيم

هتكلم ان شاء الله في البوست ده من بداية عمل الـ CV حتى التوقيع مع البنك ان شاء الله
==============CV=============
[ 1 ] الـ CV مش مجرد ورقه مكتوب فيها شوية معلومات عنك وخلاص لازم الـCV بتاعك يشد انتباه الـ HR ويخليه مجرد ما يقراه يتصل بيك ويحدد معاك مقابله ومن افضل المقالات اللي قرأتها عن الـ CV مقال أ/ حسام الغرباوي واللي هيساعدك تعمل CV محترم ممكن ترجع للبوست بتاعه من خلال الرابط ده ⬅
https://goo.gl/g2KZIw
⏪⏪⏪⏪ مراجعة الـ CV فيه حد محترف في الـ CV ويقدر يحددلك المشاكل اللي فيه بالظبط ان شاء الله هستأذنه واحط الميل بتاعه هنا {....... }

============= التقديم =============
[ 2 ] التقديم بعد ما تعمل الـ CV البرنس تيجي مرحلة التقديم دي ايميلات البنك ⏬
Ashraf_hameed@hotmail.com
Hr@alexbank.com
Ahmed.tohamy@alexbank.com
Mariam.elgammal@alexbank.com
Sally.mohsen@alexbank.com
ويفضل كمان التقديم علي LinkedIn من خلال الرابط ده
من هنـــــــــا
⏪ الناس بتوع وجه قبلي  { التقديم في فرع اسيوط تقريباً }
⏪ الناس بتوع الاسكندريه { التقديم في اقرب فرع او فرع سبورتينج تقريباً }
⏪⏪ اوتقدم علي الايميل الثاني وLinkedIn

========= المقابلات الشخصية =========
[ 3 ] المقابلات الشخصية بكل مراحلها

ان شاء الله هنزل ليكم روابط LinkedIn الخاصه بـ الـ HR الي  عمل معايا مقابله [ حاول تفتحهم وتاخد فكره عن كل واحد فيهم علشان تدخل عارف انت هتقعد مع مين وواخد عنه فكره وتقدر تتكلم معاه من غير توتر ]

                         { المقابله الاولي }
ودي مش فاكر تاريخها بالظبط بس كانت في اواخر شهر فبراير (2)
 مع [ أ/ أشرف حامد {شخص في قمة الاخلاق ربنا يباركله بيسألك ويبص في اللاب توب ومش هيبصلك وانت بتتكلم ممكن يقابلك في مكتب وحواليك عملاء ووش بيئة عمل يعني ركز وخليك واثق في نفسك واتكلم عادي ومتخليش حاجه توترك}
 وده رابط LinkedIn الخاص بيه من هنـــــــــا
  ]
المقابله معاه هيسألك عرف نفسك وايه هي منتجات البنك وتعرف ايه عن البنك وكده
ولتفاصيل اكتر عن المقابله ممكن تقرآها من الرابط ده

                             * * *
                     { المقابله الثانيه }
كانت يوم [9/8/2016 ]
مع [أ/ سالي محسن { شخصيه محترمه جداً وطيبه كده  هتكون مركزه معاك اوي ومع حركة ايديك وملامحك وانت بتتكلم خليك واثق من نفسك جداً حتي لو غلطت خليك واثق في نفسك برضو }
وده رابط LinkedIn الخاص بيها
من هنـــــــــا
   ]
تفاصيل المقابله
سألتنى عرف نفسك انجليش طبعا
وتعرف ايه عن البنك؟
وبعد كده كان الكلام عن شغلي ( سيلز في بنك كريدي اجريكول)
وبعدين انهت المقابله وصعدتني لمقابله مع مدير شبكة الفروع تقريباً في نفس اليوم
                            * * *
                { المقابله الثالثه والاخيره }
مع [ أ/ تامر عبد الفتاح  ]
تفاصيل المقابله
 سأل الناس اللي قبلي يعني ايه بنك وإتوتروا لان السؤال دا محدش يتوقعه
بس المقابله معايا كانت كلها في شغلي

قبل ما بتدخل بتقعد مع استاذ طارق وبتكون دردشه كده وبياخد بياناتك ويسالك عايز تشتغل ايه

وكده انتهت المقابلات
=======================
 يوم 4/9 بعتولي علشان كشف طبي
بعد ما خلصت كشف طبي بيومين اتصلو بيا وقالو جهز ورقك والحمد لله النهارده وقعت العقد بعد مشوار دام لمدة 8 شهور تقريباً
بالتوفيق للجميع
#المتفائلونツ
#زعيم_المتفائلونツ

دعــــــــــواتكم بالله عليكم 😊 😍