تعريف الـ Sales وانواعه والدور الوظيفي المطلوب منه داخل البنوك
-#-#
الـ 3 انواع دول هم اشهر انواع الـ Sales لكن هناك اعمال كتير في البنوك قريبه من دور الـ sales
-#-#
-#-#
بسم الله الرحمن الرحيم
ان شاء الله في المقال دي هتلاقي كل اللي حضرتك محتاج تعرفه عن الـ sales ونتمني من الله انكم تستفادو من مقالاتنا
تعريف الـ SALES
ملحوظه : الشرح هيكون بالعاميه اللغه الدارجه علشان نقدر نوصل المعلومه بشكل اسهل
الـ Sales باختصار هوا :انك بيكون دورك توضح منتج او اكثر من منتجات البنك للعميل المستهدف وتقنعه بيه وتمم عملية البيع .... نفصص بقي التعريف ده
*توضيح المنتج : دور السيلز هوا اقناع العميل فلما بيوضح المنتج اكيد هيركز علي مميزات المنتج ويحاول يخلق للعميل احتياجات علشان ياخد المنتج ده
*العميل المستهدف : كل بنك بيبقي مستهدف فئه معينه وبيعمل ليها منتجات خاصه بيهم مثلا بنك زي كريدي اجريكول الفئه المستهدفه عنده في القروض ( الاطباء - والصيادله - واساتذة الجامعات ) يبقي انا كاسيلز دي الناس اللي انا بعرض عليهم المنتج بتاعي
*اتمام عملية البيع : حضرتك لما بتشتغل سيلز مش بتكون بتعرض المنتج وبس واللي عايز يتعامل يتعامل واللي مش عايز خلاص لا .. جضرتك بيكون مطلوب منك تارجت وعلشان تكبر في المكان اللي حضرتك شغال فيه لازم تحقق التارجت ده وبزياده فـ بالتالي انت اي عميل بتتكلم معاه بتجتهد انك تتمم عملية البيع معاه
انــواع الـ SALES ودور كل نوع
.. السيلز بينقسم لاكتر من نوع لكن الاهم هوا indoor ولا outdoor
1 - الـ Telesales
** وده مطلوب منه ان يكلم الفئه المستهدفه علي التليفون ويوضح ليهم المنتج ويقنعهم بيه ويقوم بعملية البيع الفعليه
** اهم حاجه بالنسبه ليه هي Data الفئه المستهدفه دي علشان يقدر يوصل لاكبر عدد ويحقق المبيعات المطوبه منه
** وبيكون indoor بس لو استدعي الامر انه ينزل للعميل فـ بينزل ولكن بمعاد متفق عليه مع العميل وغالباً بيكون personal loan
2 - الـ Direct sales
**وده دوره انه بينزل اماكن الفئات المستهدفه ( مثلا و موظفي البترول) بينزل الشركه ويتكلم مع الموظفين عن المنتج الي البنك بيقدمه ويقنعهم بيهه ويمضي معاهم الابلكيشن بتاع المنتج
ولو سيلز قروض سيارات فـ بيكون غالبا في معارض السيارات
**وبيكون outdoor نظراً لانه هوا بينوزل يقابل اعميل بنفسه
وغالباً بيشتغل credit card
وغالباً بيشتغل credit card
3 - الـ ٍSales officer
** وده بيكون مختلف شويه عن الاتنين اللي فوق لانه غالباً بيكون شغال في فرع من فروع البنك وبيكون مسئول عن بيع اكتر من منتج وبيكون شغله قريب الي حد ما من شغل موظف خدمة العملاء
** وبيكون غالباً indoor
الـ 3 انواع دول هم اشهر انواع الـ Sales لكن هناك اعمال كتير في البنوك قريبه من دور الـ sales
ليه العمل في السيلز الناس بتبقي مش حابه تشتغل فيه ؟؟ انا بالنسبه لي لانه بيكون outsourcing ومش بتكون staff في المؤسسه اللي انت شغال فيها وده في معظم البنوك والبنوك اللي بيكون الـ sales فيها staff هي علي سبيل المثال وليس الحصر ( المشرق - ابو ظبي الاسلامي - البنك العربي -الامارات دبي )
هل مرتب السيلز ضعيف ؟؟ مرتب السيلز بينقسم لجزئين
1- Basic salary وده بيكون مرتب عادي في حدود 2000 جنيه
2- commission وده بيكون علي حجم المبيعات اي بتعملها ( وده بيعمل معاك مبغ كبير جدا كل شهر )
2- commission وده بيكون علي حجم المبيعات اي بتعملها ( وده بيعمل معاك مبغ كبير جدا كل شهر )
السيلز عشان بياخد commission فـ غالباً بيكون من اعي المرتبات في البنك مقارنة بعمره الوظيفي
ايه هي المنتجات اللي البنك بيحتاج ليها Sales ؟؟
1- personal loan
2- credit card
3- Car loan
4 - وفي بعض البنوك بيكون فيه Sales لمنتجات الـ Liabilities
----------------------------------------------------------------------------------
ده شرح مبسط كده اتمني اني اكون قدرت افيد حضراتكم بيه
ياريت بقي
دعـــــــــــواتكم :)
وشير
6 تعليقات على " تعريف الـ Sales وانواعه والدور الوظيفي المطلوب منه داخل البنوك "
تسلم علي الموضوع الجميل ده بس للاسف ابو ظبي الاسلامي حاليا بدأ في تعيين السيلز اوت سورس كان قبل كده بيبقي staff علطول
الله يباركلك
الله يباركلك
هل وظيفه السيلز أوت دور فى البنك الأهلى تثبيت ام عقد بمده معينه
ازاي اقدر اجذب العملاء الي البنك في شغل السليز
ازاي اقدر اجذب العملاء الي البنك في شغل السليز